当前位置:大化瑶族网首页 > 瑶族文艺 正文

壮语小品:败家就是“六/合/彩”

2020-01-10 09:01    来源:大化瑶学会 韦汉国    点击:

Baihgya couhdwg“Luzhozcaij”
败家就是“六/合/彩”

 
翻译整理  韦汉国
 

        Haemhneix hai vanjvei,                                今天这里开晚会,
        Sim vuenheij lailai.                                        男女老少心花飞。
        Gou boux lauxgeq lak hwnjdaiz,                  我老人家初登台,
        Goj lumj vaiz lau liengj.                                 就像老牛好狼狈。
 
        Haemhneix gou hwnjdaiz,                            今天晚上我登台,
        Baiz miz aen sezmuz.                                   自演节目乐开怀。
        Sezmuz dajsuenq heuh de guh :                 节目名称就叫做:
        “Luzhozsaij” baihgya.                                    败家就是“六/合/彩”。
 
        Mbanjdou miz boux ndeu,                             我村有个后生哥,
        Mingzcoh heuh lauxloeg,                               为人老实话不多。
        Vunz cungj heuh de guh daegloeg,              人家都叫他老陆,
        Bouxneix goek mbouj byai.                           原因就是赌博多。
 
        Bouxwnq raeuz caengz gangj,                      别人咱们暂不讲,
        Sien gangj boux daegloeg.                           先拿老陆来开腔。
        Bi'gvaq de ndaej sam cib roek,                    去年他满三十六,
        Goekbi ngamq aeu baz.                                年初结婚才香姜。
 
        Bi'gyai cieng cibsam,                                     前年春节初十三,
        Bae hozsanh vat meiz.                                   他去挖煤到合山。
        Ngoenz ndaej cienzgoeng bak sam ngeih, 一天工钱百二三,
        Ndwen ndaej geij cian maenz.                      每月几千笑泛泛。
 
        Ndwencieng dangz ndwenloeg,                   老陆半年走了红,
        Lw fanh roek maenz biuq.                             一万六块入囊中。
        De raen biuq lai cij doxiu,                             有了点钱胃口大,
        Douzbiuq gag hailongz.                                投资入股开煤窿。
 
        Hailongz ndaej ndwen lai ,                            煤窿才开一月多,
        Haivat doiq meiz'oh .                                     正巧挖到大煤窝。
        Hai doiq meizgaiq bo rangh bo ,                 厚厚煤层坡连坡,
        Daegloeg coh fatcaiz.                                   老陆发财笑嚯嚯。
 
        Cij gvaq Seiq haj ndwen,                              时间短短五月零,
        Heuh mbwn mbwn dauq han .                      老陆叫天天回应。
        Gujfaenh suanq ndaej di cienzcanh,            按照股份算利润,
        Sam cib fanh loq lingz .                                 三十余万出了名。
 
        Geij cib fanh haeuj ndang ,                           几十万元藏腋窝,
        De cang mauhfaetfaet .                                老陆全身名牌多。
        Soujgih venj dwk nuenggumq baet ,            手机挂在腰椎边,
        Okroet baenz yinhyoz .                                  响屁飘成时尚歌。
 
        Miz ngaenz dwg go'daih ,                             有钱有财是大哥,
        Ngaenz lai naj couh hai .                               老陆满脸笑呵呵。
        Dah cibbet raen de miz caiz ,                      十八姑娘不嫌老,
        Riengz de danz len'ai .                                  主动向他送秋波。
 
        Dahneix vunz hozsanh ,                                 姑娘是个合山人,
        An coh guh dahgyauh.                                  名叫阿姣人精灵。
        De raen dahneix rox cangsau ,                    他见姑娘容貌好,
        Couh aeu de guh baz .                                  娶她为妻喜盈盈。
 
        Vunz naeuz dahneix naeuh ,                         人说姑娘是傻瓜,
        Bae haq aeu bouxgeq .                                 嫁给老陆难当家。
        De cij doiq vunz riuhehe ,                              姑娘对人笑哈哈,
        Bouxgeq lai baenz doz .                               老陆是个大福娃。
 
        Caih de geq couh geq ,                                我不嫌他年纪老,
        Gou deq de aeu caiz .                                   只恋他那鼓腰包。
        Bouxgeq bouxoiq cungj baenzcaiz ,            年老年幼一个样,
        Oiq youh lai yienghlawz 。                            只要有钱啥都好。
 
        Nohbiz soengq ngaiznaengj ,                        肥肉送饭满嘴香,
        Godaiz ndaengq faexrienh .                          老树生火锅台旺。
        Geq liux lij ndaej dah cibbet ,                        老陆娶得十八妹,
        Goj lumj et naengj nanz .                                久煮糍粑润心肠。
 
        Daegloeg caeuq dahneix ,                           老陆阿姣俩夫妻,
        Doxndei lumj yenhyangh .                              相亲相爱不分离。
        Haemhde doengz ninz couh gag gangj ,     同床共枕自言语,
        Swnhhoz maengx ndei lai .                            咱俩生活胜蜜汁。
 
        Bigvaq ngamq haicin ,                                   去年开春好运来,
        Vunz couh ningfaegfaeg .                              人人争赌六/合/彩。
        Luzhozsaij cib maenz ndaej seiq bak ,        十元小本四百利,
        Fatcaiz yungzheih lai.                                     个个盼着发大财。
 
        Daegloeg de couh ngeix ,                              老陆心头生一计,
        Seih mbouj seih guh diq .                               咱也试试碰运气。
        It benj ndaej daengz seiqcib leih ,                 一本获得四十利,
        Raeuz guh diq guhcaenz .                              真是难得好生意。
 
        Haemh daengz caet diemj ling ,                    那天晚上七点钟,
        De cingq bae bauq max .                               老陆偷偷出山弄。
        Duzgaeq duzmou mbatndeu vax ,                 鸡肖猪肖一起买,
        Aen max song bat maenz .                             每码两百不动容。
 
        Caj daengz diemj lai cung ,                            耐心等待一小时,
        Cingq cung ciengj dahraix .                            庄家传来好消息。
        Duzgaeq 12 daegmax hai ,                            鸡肖十二是特/码,
        Canh ndaej seiq cien it .                                 老陆嫌了四千一。
 
        Bae raenz de couh ngeix ,                              初次尝到赌甜头,
        Lij bae lawz ra cienz ?                                     老陆发誓期期投。
        Luzhozsaij haemhndeu ndaej geij cien ,       每晚投它几千块,
        Gip cienz baenz lwgdumh .                             财源滚滚有来头。
 
        Youh daengz geiz daihngeih ,                         隔晚又到第二期,
        De cuengq seiq fanh maenz .                         老陆放了四万一。
        Duzmax duzcwz mbatndeu cuengq ,             马肖牛肖一起买,
        Mbatneix lwed cingq giet .                              血本无归心头急。
 
        Geiz sam de mbouj fuk ,                                 第三期来他不复,
        Vut swnzcez dwk max .                                   领来存款又继续。
        Duzmou duzyiengz mbatndeu gaj ,               杀了猪肖和羊肖,
        Aen max haj cien maenz .                              每码五千小数目。
 
        De dwk ngeihcib fanh ,                                   这期他买二十万,
        Haemh mienh ndiep mienh caj .                    左又等来右又盼。
        Caj daengz bet diemj seiq cib haj ,               等到八点四十五,
        Ngeihcib yax liux heiq .                                   二十万块不回返。
 
        Doengh boux doj sw haenx ,                          凡是赌博输的人,
        Cungj siengj maen ndaej goek .                    个个都想搏回本。
        Baihlaj daihgya yawj daegloeg ,                   不信大家看老陆,
        Buek ndaej goek roxmbouj ?                         越是搏来越亏本。
 
        De cawx aen hungzboh ,                                老陆选择包红波,
        Geiz youh laih geiz ndaej .                             认为此举明智多。
        Mboujsiengj geizgeiz cungj deng dai ,         没想期期都落空,
        Daegloeg vaiq feizlwed .                               老陆差点崩脑窝。
 
        Feizlwed cib lai geiz ,                                     包来包去十期多,
        Hungzboh ndiq raen bwn .                             红波一直不出窝。
        Geij cib fanh maenz vut hwnj mbwn ,            几十万元打漩涡,
        Heuh mbwn mbwn ndiq gouq .                      叫天不应打哆嗦。
 
        Daegloeg biuq liux gvaq ,                             老陆风光已不再,
        Gyacanj hix gip gai .                                      变卖家产来顶债。
        Soujgih ngamq cawx sam cien lai ,             新买手机三千多,
        Gai guh song bat maenz .                             作价卖得两百块。
 
        Gyadangq boek bae liux ,                             老陆倾家又荡产,
        Faen biuq ndiq nem daeh .                           身无分文度日难。
        Geij cib fanh maenz liux cingcaez,               几十万元输清光,
        Gag bae fouzfagfag .                                     愿死愿活心头烦。
 
        Mehbaz haemh couh ngeix ,                         老婆越想气越上,
        Bouxneix ndiq baenz doz .                            原来老陆是赌狂。
        Roigyaeuj ciuqgingq cangndang moq ,       跟他相守穷受罪,
        Soh lingh fan baksiuq .                                  不如重新找君郎。
 
        Bi'gvaq lab cibloeg ,                                       去年腊月十六晚,
        Goekhaemh goj doengz ninz .                       起初夫妻还相伴。
        Daihgaiq goj youq lajbyonghhwnz ,              没想到了后半夜,
        Soh ra vunz ndiq doiq .                                  老婆偷偷溜出山。
 
        Vih guh “luzhozsaij” ,                                       为了赌点六/合/彩,
        Vunz caiz song gyaeuj hoengq .                    老陆丢妻又失财。
        Mboujdanh cienzngaenz vut dahhoengz ,     不但身上无分文,
        Lij got doeng gag ninz .                                  孤寡一人好悲哀。
 
        Gangj raeuz doengh vunz lai ,                        奉劝各位乡亲们,
        “Luzhozsaij ”baihgya .                                     六/合/彩票最害人。
        Gvaqdaeuj bouxlawz lang guh gvaq ,            过来哪个赌了点,
        Daengx max couhdwg gvai .                          赶紧收手走正门。
 
        Lwnh raeuz doengh vunz lai ,                          奉劝各位朋友哥,
        Gaej bae ciuq daegloeg .                               莫学老陆迷赌博。
        Doj sw saekdi siengj buek goek ,                  输了欲想搏回本,
        Yued buek yued boihseiz .                              越搏就越闯大祸。
 
        Gou bouxlaux hwnjdaiz ,                                  今天晚上我登台,
        Gangj lai baenz lohsoh .                                  简单道理已明摆。
        Lwnh daegloeg hawj daihgya rox ,                 半言只语提醒你:
        “Luzhozsaij ” banhgya !                                   败家就是六/合/彩!