十跪爹娘歌（壮文版）

Go Cib Gvih Bohmeh  十跪爹娘歌（壮文版） 

翻译：韦汉国

       It  gvih  bohmeh  seng  lwg  hoj，                           一跪爹娘生儿难，

       Seng  gou  daeuq  daengz  laj  seiqgyaiq。               把我带到人世间。

       Cib ndwen  daiqndang  meh  souhnanh，                 十月怀胎娘遭难，

       It  Seng  okdaeuj  meh  sim｀an。                          一朝落地娘心安。

       Ngeih  gvih  bohmeh  ciengx  lwg  hoj，                   二跪爹娘养儿难，

       Hwnzhwnz  nguxgeng  nanz  haepda。                    夜夜五更难合眼。

       It  cim  it  mae  nyib  baengzfaiq，                          一针一线铺絮棉，

       Buh  raeuj  daenj  ndang  lwg  mbouj  nit。              暖衣加身儿不寒。

       Sam  gvih  bohmeh  ganq  lwg  hoj，                      三跪爹娘育儿难，

       Byaijloh  yamqyamq  yungh  fwngz  cing。              行走步步用手牵。

       Rox  gaengj  rox  byaij  sambi   rim，                     会说会走三岁满，

       Hag  vunz  gaengjvah  meh  sim  angq。                学人说话娘心欢。

       Seiq  gvih  bohmeh  ra  yw  hoj，                           四跪爹娘求药难，

       Cingznyienh  lawh  lwg   dingj  goekbingh。            情愿替儿把病担。

       Lwg  bingh  ndawmbonq  bohmeh  in，                  儿病床前爹娘痛，

       Bingh  ndei  bohmeh  riunyumnyum。                    病去爹娘笑开颜。

       Haj  gvih  bohmeh  doegsaw  hoj，                        五跪爹娘求学难，

       Muengh  lwg  haenqrengz   baenz  vunzndeiz。       盼儿发奋成圣贤。

       Mbaet  gwn  noix  yungh  naednaed  rom，            省吃俭用粒粒攒，

       Cawx  ndaej  sawndei  hawj  lwg  doeg。               买来好书伴儿念。

       Loeg  gvih  bohmeh  soengq  lwg  gyae，               六跪爹娘送儿远，

       Lwg  hengz  cienleix  meh  gvaqniemh。                儿行千里娘挂牵。

       Ngoenzngoenz  siengj  ha  hwnzhwnz  muengh，   天天想啊夜夜盼，

       Muengh  lwg  hag  baenz  caeux  dauq  ranz。       盼儿学成早回还。

       Caet  gvih  bohmeh  gyaucaen  hoj，                    七跪爹娘寻亲难，

       Vih  lwg  vunhyinh  causoiq  sim。                        为儿亲事心操断。

       Maqmuengh  lwg  mbwk   caeux  baenzgya，        盼望儿女早成家，

       Giet  baenz  gvanbaz  baiq  cojcoeng。                 结拜天地在堂前。

       Bet  gvih  bohmeh  rom  ngaenz  hoj，                 八跪爹娘攒钱难，

       Ciensin  fanhhoj  cungj  ra  doh。                        千辛万苦都受遍。

       Ce  hawj  lwg  mbwk  yungh  gaeug  haenq，       留作儿女燃眉急，

       Coengzlaiz  mbouj  hawj  lwg  boiz  Ngaenz。       从没想过让儿还。

       Gouj  gvih  bohmeh  naj  miz  nyaeuq，               九跪爹娘皱纹现，

       Bwn  hau   geugeu  rim  gwnz  gyaeuj。              青丝藏在白发间。

       Ciuh  vunz  dwgrengz  bingh  doh  ndang，         一生劳碌病满身，

       Dauq  doiq  lwgnyez  hai  naj  riu。                    却对儿女装笑颜。

       Cib  gvih  bohmeh  baenz  bingh  naengj，         十跪爹娘得病患，

       Byawz  cingj  canghyw  byawz  cawj  yw。          谁请医来谁熬药。

       Aenvih  lwgnyez  gaenq  geqgoem，                   为了儿女已燃尽，

       Fouz  ienq  fouz  hoij  raemxda  roengz。            无怨无悔泪满沾。